 |
 |
 |
|
|
|
 |
|
 |
ئەنئەنىۋى قۇدرەتلىك ئىلىم-پەن دۆلىتى فرانسىيە ئالەمگە ئۇچۇش، ھەربىي سانائەت، داۋالاش ۋە دورىگەرلىك، خىمىيە، ئېنېرگىيە قاتارلىق نۇرغۇن تەتقىقات ساھەسىدە كارامەت ئۇتۇقلارغا ئېرىشكەن. كۆپ يىلدىن بېرى فرانسىيە بۇ جەھەتتىكى ئۈستۈنلۈكىگە تايىنىپ نۇرغۇن ئىختىساسلىقنى فرانسىيىدە تەتقىقات خىزمىتى بىلەن شۇغۇللىنىشقا جەلپ قىلىپ كەلگەن.
ئەنئەنىۋى «كۆچمەنلەر قانۇنى»دا فرانسىيىدە بەش يىل تۇرغان، فرانسۇزچىنى پىششىق ئىگىلىگەن ھەم قانۇنلۇق خىزمىتى بار چەت ئەللىكلەر فرانسىيىدە ئۇزاق مۇددەت تۇرۇش گۇۋاھنامىسىغا ئىلتىماس قىلسا بولىدۇ، دەپ بەلگىلەنگەن. ۋەھالەنكى، يۇقىرى پەن-تېخنىكا ساھەسىدىكى ئىختىساسلىقلارغا قارىتىلغان ئېتىبارلىق سىياسەتلەر تېخىمۇ كۆپ ئىكەن. فرانسىيە دۇنياۋى رىقابەت كۈچىنى ئاشۇرۇش ئۈچۈن 2006-يىلى 7-ئايدا چەت ئەللىك كۆچمەنلەرنىڭ فرانسىيىگە ئۆزلىشىشىگە دائىر يېڭى قانۇن ماقۇللاپ، «ئىختىساسلىقلار فرانسىيىدە تۇرۇش گۇۋھنامىسى» تەسىس قىلغان.
ئۈچ يىللىق كۈچكە ئىگە «ئىختىساسلىقلار فرانسىيىدە تۇرۇش گۇۋاھنامىسى» ياۋروپا ئىتتىپاقىغا ئەزا بولمىغان بارلىق دۆلەتلەرنىڭ پۇقرالىرىغا باب كېلىدۇ. ئۇنىڭ ۋاقتى توشقاندا يەنە ئۇزارتىشقا بولىدۇ. بۇ گۇۋاھنامىغا ئىگە بولغانلارنىڭ جۆرىسى ۋە پەرزەنتلىرى فرانسىيىدە ئولتۇراقلىشىش، ئوقۇش ياكى خىزمەت قىلىشنى ئىلتىماس قىلسا بولىدۇ.
2007-يىلى 8-ئايدا فرانسىيە «كۆچمەنلەر قانۇنى»غا يەنە تۈزىتىش كىرگۈزدى. يېڭى سىياسەتتە فرانسىيىگە كېلىپ ئوقۇيدىغان چەت ئەللىكلەرگە تېخىمۇ كۆپ قۇلايلىق يارىتىپ بېرىلگەچكە، ئۇلار ئوقۇش پۈتكۈزگەندىن كېيىن خىزمەتكە تېخىمۇ ئاسان ئورۇنلىشالايدىغان بولغان. بۇ سىياسەتكە ئاساسلانغاندا، ئوقۇشىنى ئالاھىدە ياخشى تاماملىغان چەت ئەللىك ئوقۇغۇچىلار ھەتتا فرانسىيە پۇقراسى سالاھىيىتىگە ئېرىشەلىشى مۇمكىن ئىكەن.
يېڭى كۆچمەنلەر قانۇنىدا يەنە تېخى فرانسىيىگە كېلىپ ئوقۇيدىغان چەت ئەللىكلەرگە يەنە باشقا قۇلايلىقلىقلارمۇ يارىتىلىپ بېرىلگەن. مەسىلەن: چەت ئەللىك ئوقۇغۇچىلارنىڭ ئوقۇش پۈتكۈزگەندىن كېيىن كەسپى بىلەن مۇناسىۋەتلىك خىزمەت تېپىشىغا قۇلايلىق يارىتىپ بېرىش ئۈچۈن ئۇلارنىڭ فرانسىيىدە ئالتە ئاي ئۇزاق تۇرۇشىغا رۇخسەت قىلىنغان.
 |  |  |  |  |  |  |  |
بېكەت ھەققىدە  ھەمكارلىشىڭ ئېلان بىرىڭ ئالاقىلىشىڭ پىكىر بىرىڭ بېكەت قوشۇڭ
|
|
تور بېكەتنىڭ بارلىق نەشىر ھوقوقى ئىزباسار ئۇيغۇر تورىغا مەنسۇپ Copyright © 2003 - 2012 Izbasar.com. All Rights Reserved 版权所有接班者综合网站 E_mail：g@ulinix.net 联系电话：0991-5222222 13999983244 QQ：100383244 136568556 :ئىزباسار توپ نومۇرى ئەگەر نەشىر ھوقۇقىغا دەخلى يەتكەن مەزمۇنلار بولسا دەرھال بىز بىلەن ئالاقىلىشىڭ (مەزمۇن پاش قىلىش ۋە ئالاقىلىشىش تېلېفون نومۇرى):13999983244) تور بېكىتىمىز بىلەن قانۇنلۇق ھەر قانداق تور ساھەسىدىكى تۈر بۇيىچە ھەمكارلاشقۇچىلارنى قارشى ئالىمىز!  ئىزباسار تورى تۇغىنى ئۇلىنىش قىلىۋېلىڭ 本网站内容由其他网站转载， 如涉及版权问题请及时与站长联系 备案号码:新ICP备10000885号-1 |
نۆۋەتتىكى ئورنىڭىز:
ۋاقتى:2012-02-06 16:37:53 
مەنبەسى: 
يوللىغۇچى: 
