پاسپورت، ۋىزا ھەققىدە چۈشەنچە

پاسپورت:
پاسپورت دىگەن بىر دۆلەتنىڭ گىراژدانىغا دۆلەت ھالقىپ چىگىردىن چىقىش ئۈچۈن بىرىلدىغان خەلقئارالاشقان گىراژدانلىق ئىسپاتى.
پاسپورت نەچچە خىل بولىدۇ؟
دۆلىتىمىزدە ھازىر تارقىتىلىۋاتقان پاسپورىت 3 خىل بولۇپ،:
(1) شەخسىي پاسپورت (خۇسىسىي پاسپورت)
因私护照 . (2) ھۆكۈمەت ئىشلىرى پاسپورتى (شىركەت پاسپورتى، سودا ئىشلىرى پاسپورتى دەپمۇ ئاتىلىدۇ)
公普通 (3) دېپلۇماتىيە پاسپورتى (ئالاھىدە پاسپورت يەنى كەچۈرۈم ھوقۇقى بار پاسپورت) 外交护照
تارقىتىش دائىرسى:
1-خىل پاسپورت گىراژدانلارنىڭ ساياھەت، تۇغقان يوقلاش، چەتكە چىقىپ ئوقۇش، شەخسىي سالاھىيەت بىلەن بېرىپ كېلىپ تىجارەت قىلىش، چىگىر سىرتىدىكى مۈلۈككە ياكى مىراسقا ۋارىسلىق قىلىش، توي تۆكۈن-نەزىر چىراق، ھەج تاۋاب ...قاتارلىق قانۇنلۇق سەۋەبلەردىن چەتكە چىقىدىغانلارغا جۇڭخۇا خەلق جۇمھۇريىتى پۇخرالارنىڭ چىگىردىن چىقىپ كىرىشنى باشقۇرۇش تارماقلىرى يەنى جامائەت خەۋىپسىزلىك مېنىستىرلىكى ئاستىدىكى ھەر قايسى ئۆلكە، ئاپتۇنۇم رايۇن، مەمۇرىي رايۇن قاتارلىقلار پۇخرالارنىڭ دائىم تۇرۇشلۇق (نوپۇس تەۋەلىكى) ئۆز تەۋەلىكىدىكى ج خ نازارىتى ياكى ئىدارىسى تارقىتىدۇ.
2- خىل پاسپورت گىراژدانلارنىڭ سالاھىيتىغا قاراپ، ئاساسلىقى ھۆكۈمەت ئورگانلارنىڭ،ئادەتتىكى ۋە مەمۇرىي رەھبىرىي كادىرلار، ھۆكۈمەت باشقۇرىشىدىكى ھەرخىل ئاممىۋىي تەشكىلاتلار، دۆلەت ئىگىلىكىدىكى ۋە ئومۇم ئىگىدارچىلقىدىكى بولغان كان-كارخانىلار، ھەرخىل تەتقىقات ئورگانلىرى، مەكتەپ،خۇسۇسىي ئىگىدارچىلىقىدىكى كان-كارخانىلار... دىن چەتكە چىقماقچى بولغان خادىملارغا جۇڭخۇا خەلق جۇمھۇريىتى دېپلۇماتىيە مېنىستىرلىكى ۋە مېنىستىرلىك ئاستىدىكى ھەر قايسى ئۆلكە ، ئاپتۇنۇم رايۇن، مەمۇرىي رايۇن قاتارلىقلار پۇخرالارنىڭ دائىم تۇرۇشلۇق (نوپۇس تەۋەلىكى) ئۆز تەۋەلىكىدىكى تاشقى ئىشلار(مۇھاجىرلار) ئىشخانىسى، ئىدارىسى تارقىتىدۇ.
3-خىل پاسپورت دۆلەت ئىشلىرى بىلەن چەتئەلدە دائىمىي تۇرىدىغان، زىيارەتتە بولىدىغان، دۆلەتكە ۋەكىل خاراكتىرلىك پائالىيەت بىلەن شۇغۇللىنىدىغان ھەمدە دۆلىتىمىزنىڭ ھەرقايسى دۆلەتلەردە تۇرۇشلۇق كونسۇلخانا، ئەلچىخانا خادىملىرى ھەمدە ھەرخىل خەلقئارا تەشكىلاتلاردا تۇرىدىغان، خىزمەت قىلىدىغان خادىملارغا جۇڭخۇا خەلق جۇمھۇريىتى دېپلۇماتىيە مېنىستىرلىكى تارقىتىدۇ.
قانداق گىراژدانغا پاسپورت بېرىلمەيدۇ؟
1- جىنايەت ئۆتكۈزگەن خاتىرسى بولغانلار.
2-تۈرمىدىن قويىۋېتىلىپ كۈزتۈش مۇددىتى ئىچىدىكى پۇخرالارغا.
3-كېپىللىككە قويىۋېتىلگەنلەرگە.
4-سىياسى ھوقۇقىدىن ئېلىۋېتىلگەنلەر ياكى شۇ مەھرۇم مۇددىتى ئىچىدىكىلەر.
5-سىياسىي جىنايەتچىلەر ۋە گۇماندارلار.
6-ھۆكۈمەت تەرپىدىن چوڭ ئىقتىسادىي دىلولارغا چېتىشلىق بولغانلار ياكى جىنايەت گۇماندارى.
7-دۆلەت بىخەتەرلىكگە دەخلى تەرۇز قىلىنىدۇ دەپ بېكىتىلگەنلار.
8-ج خ تارماقلارنىڭ دەرىجىگە تۇرغۇزۇپ بېكىتكەنلەر.
9-دۆلەت تەرپىدىن چەتكە چىقىشقا بولمايدۇ دەپ قارالغانلار.
ئىلتىماس قىلىشنىڭ ئالدىنقى شەرتى:
1- يۇقىردىكى تۇرلەرگە يىزىلغان ياكى باشقا سەۋەبلەر بىلەن بېجىرىمايدىغانلاردىن باشقىلار.
2- چەتكە چىقىش سەۋەبى بۇ چەتئەلدىن سىزنى چاقىرىتقان چاقىرىقنى ئۆز ئىچىگە ئالىدۇ. ئادەتتە بۇنى تۈرۈك تىلىدا دۆۋەت نامە ، تەكلىپ خېتى، تەكلىپنامە، چاقىرىق دېيىلىدۇ، جەمىيتىمىزدىكى بەزى بىر نادان كىشلىرىمىز بىرىنچى نۆۋەتتە كەلگەن چاقىرىقنامىنى ۋېيزا دەپ ئاتىۋالىدۇ.
3- ئاپتۇنۇم رايۇنىمىزدا ھازىر بولىۋاتقان بېجىرىش تەرتىپى:
نوپۇسىڭىز تۇرۇشلۇق ئورنىدىكى ج خ ئىدارىسىگە كىرىپ تاشقى ئىشلار ئىشخانىسى(ئىش بېجىرىش مەركىزىدىن) پۇقرالارنىڭ چەتكە چىقىش ئىلتىماس جەدىۋىلنى ئېلىپ ئۆلچەم بويىچە توشقۇزىسىز، تەييارلايدىغان قۇشۇمچە ماتىرياللار، چەتتىن ئەۋەتىلگەن تەكلىپنامىنىڭ ئەسلىي نۇسخىسى ۋە كۆپەيتىلمىسى (复印)، چەتتىن كەلگەن خەت ئالاقىنىڭ كونۋېرت ئەسلىي نۇسخىسى ۋە كۆپەيتىلمىسى (复印)، نومۇس، كىملىك نىڭ ئەسلىي نۇسخىسى ۋە كۆپەيتىلمىسى (复印)، دىققەت قىلىڭ چەتتىن كەلگەن تەكلىپنامىنى چوقۇم ج خ تارماقلىرى ئىتىراپ قىلىدىغان ياكى بەلگىلەپ بەرگەن تەرجىمە ئورۇنلىرىدا قانۇنلۇق، ئۆلچەملىك تەرجىمە قىلدۇرىشىڭىز كېرەك، بۇ ماتىرياللارنى تەييارلىغاندىن كېيىن جاپالىق ھەم مۇشاقەتلىك جەريانلار باشلاندى.
4- سىياسىي تەكشۈرۈش؛
1) پۇقرالار چەتكە چىقىش ئۈچۈن چوقۇم سىياسىي تەكشۈرۈشتىن ئۆتۈشى كېرەك، ئادەتتە بۇ جەريانلار تۆۋەندىن يۇقىرغا ماڭىدۇ، ئالدى بىلەن جەدىۋىلىڭىزدە ئاساسىي قاتلام پىكرى دەيدىغان بىر تۈر بولۇپ ئاساسىي قاتلام تەشكىلات چىقىرىپ بېرىدۇ، ئالدى بىلەن تۇرۇشلۇق ئورنىڭىزدىكى مەھەللە ئىش باشقارمىسى، كەنىت كومىتىت، سىزگە نىسبەتەن بىر پارچە جىنايەت ئۆتكەزمىگەن، سىياسىي قىياپىتى ئىشەنچىلىك، سىزنىڭ چەتكە چىقىشىڭىزغا قۇشۇلىشى توغۇرلۇق ئىسپات چىقىرىپ بېرىدۇ.
2) نوپۇسىڭىز تۇرۇشلۇق ئورنىڭىزدىكى ساقچىخانا، بىر پارچە ئىسپات چىقىرىدۇ. ئەلۋەتتە تەۋەلىكىزگە مەسئۇل ساقچى ئۆز پىكرىنى قۇيۇش كېرەك، شۇ ساقچى سىزنى چۈشىنىشى كېرەك.
3) سىز بۇ ئىسپاتلارنى ئېلىپ ناھىيىدە بولسىڭىز بازارلىق ھۆكۈمەت، شەھەردە بولسىڭىز شەھەرلىك ھۆكۈمەتتىن يەنە بىر پارچە سىزگە قارتا ئىسپات ياكى ھۆججەت چىقىرىدۇ، ئەلۋەتتە بۇ ھوقۇق شۇ ئورگاننىڭ 1-قول رەھبىرىدە بولىدۇ. يوقىرقىدەك ماتىرياللارنى تەييارلاپ ج خ ئىدارىسىگە، جەدىۋەل ئالغان جايغا ئاپىرىسىز.(بەلكىم يەنە كەم ئىسپات ماتىرياللار بولىشى مۇمكىن جەدىۋەل قوبۇل قىلغۇچى كۆرۈپ يەنە كەم بولسا داۋاملىق تولۇقلايسىز.) ئەگەر يوقۇرقى ماتىرياللار تولۇق بولسا تۇرۇشلۇق جايىڭىزدىكى شۇ ج خ ئورگانلىرىنىڭ دۆلەت بىخەتەرلىكىنى قوغداش تارماقلىرى يەنى گوباۋدادۇي 国保大队 دىن سىزنى قايتا بىر تەكشۈرۈپ پىكرىنى قويغاندىن كېيىن ئىدارە رەھبەرلىكى مۇزاكىردىن ئۆتكۈزۈپ قوشۇلۇپ ئاپتۇنۇم رايۇنلۇق ج خ نازارىتى مۇناسىۋەتلىك تارماقلارغا يوللايدۇ، بۇنىڭغا كېتىدىغان ۋاقىت دۆلىتىمىزنىڭ مەمۇرىي ئىجازەت قانۇنىڭ بەلگىلىرىمىدە بەلگىلىگەن ۋاقىت ئىچىدە (ئادەتتە 60 كۈن) بېجىرلىپ قولىڭىزغا تېگىدۇ. بۇنىڭغا كېتىدىغان راسخوت 1000 يۈەن ئەتىراپىدا بولىدۇ.
پاسپورت قولىڭىزغا تەگكەندىن كېيىن چەتكە قانداق چىقىسىز؟
پاسپورت قولىڭىزغا تەگكەندىن كېيىن پاسپورت ئىناۋەتلىك مۇددىتى ئىچىدە قولىڭىزدىكى ھېلىقى تەكلىپنامىنى پاسپورتىڭىز بىلەن قۇشۇپ تەكلىپ قىلغان شۇ دۆلەتنىڭ دۆلىتىمىزدە تۇرۇشلۇق ئەلچىخانىسى ، كونسۇلخانىسى ياكى ھاۋالە قىلغان تەشكىلاتقا بېرىپ ۋېيزا 签证 قويدۇرىسىز، بۇ سىزنىڭ شۇ دۆلەتتە تۇرۇش ۋاقىت مۇددىتىڭىز ۋە چىگىردىن كىرىپ چىقىش يول خېتى بولۇپ ھىسابلىنىدۇ مانا بۇ ۋېيزا دەپ ئاتىلىدۇ، چەتتىن سىزنى تەكلىپ قىلغان تەكلىپنامە ھەرگىزمۇ ۋېيزا ئەمەس....
دۆلەت قانۇنىدا بەلگىلەنمىگەن رايۇنىمىزدىكى بەزى جايلاردا يولغا قويۇلغان ئالاھىدە يەرلىك سىياسەت بەلگىلمىلەر؛ دۆلىتىمىزنىڭ ئازاتلىقتىن كىيىنكى سىياسىتى شۇنداق ياخشى رايۇنىمىزمۇ گۈللىنىپ ياخشى تەرەققىي قىلىۋاتىدۇ، لېكىن بەزى بىر يامان نىيەتتىكى كىشىلەر ۋاكالىتەن پاسپورت بېجىرىشنى ئۆزىگە كەسىپ قىلىپ ئۆزىنىڭ ھەر خىل شەخسىي مۇناسىۋەتلىرىدىن پايدىلنىپ ھۆكۈمەت كادىرلىرىمىزنى چىرىكلەشتۈرۈپ قانۇنلۇق تەرتىپنى قانۇنسىزلاشتۇرۇپ، يالغاندىن ئىسپات ياساپ ياكى تەمىنلەپ بېجىرىشكە شەرتى توشمايدىغانلارغىمۇ بېجىرىپ بېرىپ ئۇلارنى چەتكە چىقىرىپ دۆلەت بىخەتەرلىككە تەھدىت سالىدىغان ھەرخىل پائالىيەتلەر بىلەن شۇغۇللىنىشىغا شارائىت يارىتىپ بېرىش سەۋەپلىك يەرلىكتىن بولۇپمۇ دىننىي ئىشلار تارماقلىرىدىن كاپالەت پۇلى (保证金) ئېلىپ تىزگەنلەۋاتىدۇ،
شۇنىڭ ئۈچۈن پۇقرالار ئۆزىمىز بېرىپ قانۇنلۇق بېجىرىشىمىز كېرەك،
ئاۋارىچىلىقتىن قاچماڭ، شۇندىلا غەلبە قىلىسىز،
پۇلۇمغا، يۈزۈمگە تاينىمەن دەپ قۇيمىچىلارغا ئالدىنىشتىن ساقلىنىڭ...